AY EMOGLU
Ey bağrı qan əmoğlu
Zəhrada bağrıqandır.
Gəl Fatimə verir can,
Çox ağlama amandır.
Ey nigarım, qəmgusarım
Fatimə göz yaşına qurban Əli can,
Dilşikəstə, başım üstə
Bir neçə ayə oxu quran Əli can
Ay əmoğlu, can əmoğlu
Canım olsun canına qurban əmoğlu
Ay əmoğlu, can əmoğlu
Canım olsun canına qurban əmoğlu
Qaldı ürəkdə çoxlu
Qəmli sözüm Əli can
Ağlar gözə olaydı
Qurban gözüm Əli can
Nisgilimdə, möhnətimdə
Ruxsarına göz yaşını gəl bağlama sən
Getdi səbrim,yandı qəlbim
Sən bil Huseynin canı bəsdi,
Ağlama sən
Ay əmoğlu, can əmoğlu
Canım olsun canına qurban əmoğlu
Ay əmoğlu, can əmoğlu
Canım olsun canına qurban əmoğlu
Gözlə Əli Huseynin
Qəm qəlbin almasın çox
Su ver amandı hər şəb
Ləbteşnə qalmasın çox
Teşnəlikdən dil dodaqı
Parça-parça çün olar Kərbubəladə
Cismi üryan, sərbəsər qan
Gün qabağında qalar dəşti bəladə
HARA GEDİRSEN AY BABA
Hara gedirsən ay baba
Hara gedirsən ay baba,
Dalınca ağlıyan gəlir
Başında yarə var dayan,
Yaranı bağlıyan gəlir
Dedi qızım niyə məni,
Belə qaçıb qabaqladın
Müsafirəm gözəl balam,
Məni yol üstə saxladın
Vəfasız aşiqəm əgər,
Sənin qəmindən yanmasam
Gəlincə qətligahidən,
Yol üstə mən dayanmasam
Hara gedirsən ay baba,
Dalınca ağlıyan gəlir
Qoyun qılım namazımı,
Sonra kəsin boğazımı
Qonağızam vəfalıyam,
Yaralıyam-yaralıyam
Su yoxdu dəstəmaz alam,
Üz üstə səcdədə qalam
Ölüb əzan deyən balam,
Cigər yanır əzalıyam
Bəla çölün duman tutub,
Bu gülşəni xəzan tutub
İki gözümü qan tutub,
Görürsüz ibtilalıyam
Məni qoşun nədən vurar,
Ərazili zəman vurar
Gələn vurar,gedən vurar,
Solan gülün misalıyam
Çıxıb kamani kinədən,
Dəyibdi ox bu sinədən
Əl üzmüşəm Mədinədən,
Həmişə Kərbəlalıyam
Mən aşiqi şəhadətəm,
Əmiri-mülkü-vəhdətəm
Fədayi-rahi-izzətəm,
Bir aşiqin cəlalıyam
Köməklərim batıb qana,
Düşüb hərəsi bir yana
Sızıldaram yana-yana,
Ki ney kimi nəvalıyam
Gəlib qan ağlıyan bacım,
O sinə dağlayan bacım
Gözümü bağlayan bacım,
Deyir başı bəlalıyam
QANLİ PEYKER
Gəl ağam imdadimə,
Gül tək saraldı peykərim
Gör necə atlar ayağı altda,
Qaldı peykərim
Axdı-axdı qan vücudumdan,
Ağam imdad elə
Son nəfəsdə bu yaralı,
Qasimi gəl yad elə
Peykərim başdan-ayağa,
Yarədir, oxdur ağa
Dövrəmi düşmən alıbdı,
Köməyim yoxdur ağa
Kufənin əhli cəfa ilə,
Tutub sağ-solumu
Ver xəbər bəlkə anam,
Gözləməsin day yolumu
Qasimin yalqız qalıbdır,
Ya Hüseyn meydanidə
Rəhmdən yoxdur əsər,
Vallah ağam üdvanidə
Saldılar atdan,
Gələn vurdu, gedən vurdu məni
Qalmayıbdı day dözüm,
Bu peykəri bicanidə
Oxladılar əda yaralandım,
Gəl necə gör qana boyandım
Yandım-yandım, yandım-yandım,
Atlar ayağı altda uzandım
Gəl necə gör qana boyandım,
Yandım-yandım, yandım-yandım
Əldə su camı ağam,
Gözlür Rəsulullah məni
Ta varımdı can hələ,
Gəl yad elə Sarallah məni
Əldə xəncər mənim,
Dövrəmə leşgər tökülür
Yağır ox peykərimə,
Üstümə xəncər tökülür
Gəl ağa on üç yaşında,
Qasimin batdı qana
Pər-pər oldu peykəri,
Gül tək dağıldı meydana
Yaralandı ərseyi,
Meydanidə Əkbər kimi
Gəl necə gör dərd əlindən,
Qasimin gəldi cana
SAQQAYİ KERBELA
Dur ey vəfalı qardaşım
Arxam, elim Əbəlfəzl
Səs ver səsimə ya əxa
Sındı belim Əbəlfəzl
Dur ey vəziri ləşgərim
Fəratın üstə yatma
Mən sənə bel bağlamışam
Məni gözündən atma
O qan dolan gözlərinə
Qurban olum yaralı
O kəsilən əllərinə
Qurban olum yaralı
Səqqayi Kərbəla, ətşan ya Əbəlfəzl
Ey nəhrin üstünə, yıxılan ya Əbəlfəzl
Səni bu halda gördüm
Ürək qəmim çoxaldı
Sən gəlmədin Rüqəyyə
Gözü yolunda qaldı
Dedi əmim hayanda
Qalıbdı ay babacan
Dilim yanaydı ey kaş
Su istəməydim ondan
Səqqayi Kərbəla, ətşan ya Əbəlfəzl
Ey nəhrin üstünə, yıxılan ya Əbəlfəzl
XUDAYA BİZİ ZEVVAR ELE KERBUBELAYA
Xudaya, bizi zəvvar elə Kərbubəlayə,
Öpək qəbri Huseyni gələk ahu nəvayə
Canəm Huseyn canəm
Düşək səcdəyə bahəm
Edək çoxlu dualar
Deyək növhə Huseynə
Baxaq bəzmi əzayə
Canəm Huseyn canəm
Düşər yada o günlər
Xanım Zeynəbi nalan
Gələr ahu fəğanə
Baxıb qanlı minayə
Görüb nəşi Huseyni
Batıb qana sərasər
Başın kəsmiş o, zalım
Vurub noki cidayə
Xitab etdi o Zeynəb
Mənim tazə cavanım
Qalıb isti qum ustə
Odur ruhi rəvanım
Susuz kəsdilə başın
Qanın tökdülər ey vay
Necə biz dözərik bəs
Elə cövri cəfayə
Edib cismini üryan
Bu torpaqların üstə
Qalıb isti gün üstə
Odur yarəli peykər
Biri söylər atam vay
Biri söylər oğul vay
Biri qardaşım ey vay
Çıxar nalə səmayə
Bizi çatdır ilahi
Yetək arzu muradə
Quraq bəzmi əza biz
Muqəddəs o, pak adə
Bizim pis günümüzdə
Yetişəydi o, dadə
Səni CAHİD həmişə
Huseynim sala yadə
YA SARALLAH
Məzlum ölən ağam vay
Ey bikəfən ağam vay
Ey sərvəri du aləm
Şahi zəmən ağam vay
Susuz qanlı minadə
Can verdi Kərbəladə
Ey nəşi qumlar üstə
Qanlı başı cidadə
Ya Sarəllah, ya Əba əbdillah
Sənin qurbanın olarıq, ya Əba əbdillah
Huseyn ey teşnə ləb, şahi şəhidan
Huseyn ey quslu qan, gül cismi üryan
Yaralı peykəri səd parə-parə
Huseyn ey köynəyi qanə boyanan
Canım fəda Huseyn can
Kərbubəla, Huseyn can
Ey tək qalan adamsız
Bikəs ağa, Huseyn can
Ya Sarəllah, ya Əba əbdillah
Sənin qurbanın olarıq, ya Əba əbdillah
YERLER HUSEYNE QURBAN
Yerlər Huseynə qurban, göylər Huseynə qurban.
Gülzari Kərbəladə, güllər Huseynə qurban.
Göylərdəki Məlaik, yeksər Huseynə qurban
Yüz min qoşun dalında, Zəfər Huseynə qurban
Peyğəmbərin şəbihi, Əkbər Huseynə qurban
Üz,göz qana boyanmış, Əsğər Huseynə qurban
Su üstə ki, kəsilmiş, əllər Huseynə qurban
Dəryaye qanə batmış, leşgər Huseynə qurban
Ağ saqqalı hənalı, nokər Huseynə qurban
Bir cüt susuzdan ölmüş, qızlar Huseynə qurban
Yəsribdə ki, qəbilə, ellər Huseynə qurban
Bağlı qalan otaqlar, illər Huseynə qurban
Başında yeddi qara, xahər Huseynə qurban
Ağlar qalan vətəndə, duxtər Huseynə qurban
Qovdalidə oğulsuz, madər Huseynə qurban
Altı yaşında qolsuz, Cəfər Huseynə qurban
Təll üstünə qaçanlar, yeksər Huseynə qurban
Başlarına ucalmış, əllər Huseynə qurban
Zeynəb qaçır qabaqda, səslər Huseynə qurban
Qan yaş tökən yağış tək, gözlər Huseynə qurban
Başsız qalan bədənlər, yeksər Huseynə qurban
Qasim üzündə qanlı, tellər Huseynə qurban
Gül bərgi tək hənalı, əllər Huseynə qurban
YETİMLERİN ATASİ
Boyandı məsciddə qana
O ki, şərafət idi insanə
Yetimlər qalıblar göz yolda
Yoxdu Əli, baxırlar hər yana
Dilində zikri Rəbbənası
Əlində kisəyi ğəzası
Gecə yarı gəzərdi ev-ev
Yetimlərin qərib atası
Doyub cana, batıb qana
Dəyibdi zərbə Qurana
Yetimlər baş-başa vermiş
Sızıldırlar yana yana
Əli movla, Əli movla …
Fələk başa saldı qara
Gəldi Əli əbada, baş yara
Yanır Zeynəbilə Gülsumə
Ürəklərin bu qəm edib para
Dəyibdi bir birə fələklər
Deyirlər va Əli Mələklər
Ölür yetimlərin atası
Dolubdu qussədən ürəklər
Həsən ağlar, Huseyn ağlar
Bu qəmdə Zeynəbeyn ağlar
Batıblar şiələr yasa
Tamami aləmeyn ağlar
Əli movla, Əli movla …
Parçalanıb başında əmmamə
Çatdı Əli işi day itmamə
Edin əhli alemi agah
Yarələnib Əli vəliyyullah
Bu səs dolub ərşi bərinə
Zərbə dəyib sutuni dinə
Namazın üstə yara dəydi
Əli, əmiri momininə
Xanım xeyrunnisa ağlır
Rəsuli Mustəfa ağlır
Gözündə yaş ağa Məhdi
Deyir ey vay atam ağlır
Əli movla, Əli movla …
YETİMLERİN PENAHİ
Göz ağlar,
Ürək sızıldar, iki göz ağlar
Mənim əhvalıma ulduz ağlar
Gecələr yanar ürəyim
Hər yerdən,
Üzmüşəm əl, yapış əllərimdən
Tutmasan, qan axar gözlərimdən
Gecələr yanar ürəyim
Dərmanı, dərdimin sənsən fəqət dərmanı
Bu ruhuma ver səfa, ey canımın cananı
Hamı dərdlərin dəvası sənsən, ya Əli
Hamı şiənin ağası sənsən, ya Əli
Axı sən yetimlərin pənahısan
Ürək ümidləri şahısan
Sənə mən üz gətirmişəm
Əlini mənim bu başıma bir çək
Eşit ürək sözümü tək-tək
Ki, qəmli söz gətirmişəm
Dərmanı, dərdimin sənsən fəqət dərmanı
Bu ruhuma ver səfa, ey canımın cananı
Hamı dərdlərin dəvası sənsən, ya Əli
Hamı şiənin ağası sənsən, ya Əli
ZEYNEBİN QURBANLARI
Zeynəbin qurbanların qardaş amandır, sal yola
Eyləmə məyusidir başə dolandır, sal yola
Rahi eşqə yox bulardan qeyri zadi rahilə
Zeynəbi məzluməni gəl naümüd etmə belə
Bəndəqani Əkbərə ver izni cəng azad elə
Zeynəbə bu mərhələ xoş imtahandır, sal yola
Bu iki gül yadigari Cəfəri Təyyaridir
Fi səbilillah həmişə talibi peykaridir
Gər bular nəvvadeqani Heydəri Kərraridir
Bunlara şəhdi şəhadət nuşi candır, sal yola
Zeynəbəm, cəngi təvəssül vurmuşam damanına
Mən səni yalqız görüb, şövqilə gəldim yanına
Olsa min oğlum, fəda qıllam bu yalqız canına
Çün bu sevda iftixari cavidandır, sal yola
Şənivə gərçi bular layiq deyillər ya Hüseyn
Töhfeyi dərvişi şah rədd eyləməz əmma Hüseyn
Sərbülənd eylə məni sən bil anam Zəhra Hüseyn
Qıl təsəddüq başə qardaş az yubandır, sal yola
Bunlara məşqi cidalo-cəngi mən öyrətmişəm
Məktəbi dəva seçib çox fəslo-fənn öyrətmişəm
Hər birinə dərsi cəngi tənbətən öyrətmişəm
Yatmayıbdır sübhə tək dərsi rəvandır, sal yola
